In lamah vote thlaktir

April 19, 2024-a Lok Sabha inthlanpui awm tura Kolasib district chhunga polling station-a vote thlâk thei lo turte chu nimin khan an inah vote thlaktir ṭan an ni.

Kum 85 chung lam leh pianphunga rualbanlote an chenna ina vote thlaktir tur - home voting team pangate chu nimin zing khan Kolasib bawrhsap John LT Sanga'n DC pisa tual aṭangin a vailiam. Team hrang hrang hian an chan ṭheuha vote thlak turte an pan nghal a; vawiin hian vote thlaktir chhunzawm a ni ang.