MMSA-in DA 50%-ah tihsan an duh

Mizoram Ministerial Service Association (MMSA) chuan nimin khan Vanapa Hall-ah General Conference vawi 16-na an hmang a; sorkar hnathawk dearness allowance hman lai 36% chu 50%-ah tihsan ni se an duh thu an tarlang.

MMSA inkhawmpuiah hian president C Zothansanga kaihhruaiin ro an rel a; sorkar hnathawkte'n September 1, 2023 aṭanga DA an hman lai 36% chu sorkar laipui hnathawkte'n an hman mek angin 50%-ah tihsan an duh thu an pawm a, FMGEW-ah thlen ni se an ti.

MMSA chuan, 'Post upgradation sorkarah thlen ni rawh se,' an ti a; 'LDC pay hi level 4 aṭangin 5-ah dah ni rawh se. Assistant pay level 7-8 ah tihsan turin sorkarah thlen ni rawh se' an ti bawk.