Police-te leh VDP-te inkâwm

Aizawl SP Office chuan nimin khan an conference hall-ah Aizawla village defence party (VDP) unit hrang hrang hruaitute tan ruihhlo do chungchang zirhona an buatsaih a; Aizawl District Executive Force-a police officer-te leh VDP member 43 an tel.

Aizawl SP Rahul Alwal chuan, VDP-te chu ruihhlo donaah police-te ṭha taka thawhpui tur leh ruihhlo man an neih chuan SP office-a hriattir ṭhin turin a ngen a; VDP ṭha ber thlanna - Best VDP of the Month leh Best VDP of the Year buatsaih an tum thu a sawi. Aizawl SP hian VDP-te hnenah hmeh-ên (torchlight) 30 a pe a ni.

Zirhonaah hian awmze nei zawk leh hlâwk zawka ruihhlo do dan tur sawiho a ni a; VDP hruaitute chuan harsatna an tawh ṭhinte an sawi bakah, police-in ruihhlo an dona dan tura rawtna an neihte an sawi a ni.