DEO-in thuthar thehdarhtute hrilhfiah

Saitual district election officer (DEO) Dr Lalngura Tlau, bawrhsap chuan nimin khan a pisaah thuthar thehdarhtute a kâwm a, Lok Sabha inthlanpui atana an inbuatsaih dan a hrilhfiah.

Saitual DEO sawi danin, Saitual district-a Assembly constituency pathumah voter 56,303 an awm a, chu'ng zingah 518 chu service voter an ni. Polling station 80 a awm a, chu'ng zinga panga - Mimbung-I, Mimbung-II, NE Tlangnuam, Khawlian-I leh Khawlian-II chu critical polling station-a puan a ni.

Polling official - PRO leh APRO 98 ve ve, polling officer 175 an awm a, polling official-te chu training vawi thum pek turah vawi khat pek an ni tawh.

In lama vote thlak phalsak mi 194 an awm a, chung zinga 50 chu vohbik niin, 144 chu kum 85 chung lam an ni a; April 8, 2024-ah vote thlaktir an ni ang.