ZORO-in Myanmar ramri-ah punkhawm huaihawt tum

Zo Re-Unification Organisation (ZORO) chuan India sorkarin India leh Myanmar ramri hung a tum leh Free Movement Regime ṭhiah a tum duh loh lantir nan May 16, 2024-ah Myanmar ramri-ah punkhawm (peacefull rally) huaihawt an tum.

ZORO chuan, "Unau thlahkhat min ṭhen hran tumna leh Zo fate min nêkchêp tumnaah kan ngai a, ṭha lo kan ti a, kan duh lo hle a ni," an ti a; April 2, 2024-a Gaza air strike-a thi Lalzawmi Frankcon d/o Paul Frankcom an ui thu leh a chhungte an tawrhpui thu an tarlang bawk.