NGO-te'n Central YMA kaihhruaiin June 30-ah Remna Ni hman an rêl

Mizorama tlawmngai pawl (NGO) hrang hrang hruaitute chu nimin khan Central YMA Committee Room-ah an inhmu khawm a; Central YMA kaihhruaina hnuaiah kumin June 30-ah Remna Ni a huhoa hman an rel.

All NGO-te chuan, Central YMA kaihhruaina hnuaiah kumina Remna Ni chu hman an rel a; 'Organising Committee pawh CYMA kaihhruaina hnuaia siam ni se, a tul angin NGO hrang hrang aiawh te, political party aiawhte telh ni se, sorkar lam mite pawh a ṭul anga thawhpui ni se,' an ti.

Remna Ni hi district-ah pawh YMA sub-headquarters YMA-te kaih-hruainaa hman ṭha an ti a; Lawng-tlaiah chuan Central YLA leh Saihaah MTP-te huaihawt tura ngen an rel.

Remna Ni hman dan chung-chang hi YMA General Conference vawi 70-na, Bairabi-a neihah, 'Mipui náwlpuiin a huhoa lungrual taka hman a nih theih nan sorkarah thlen ni rawh se' tiin an rel a; NGO-te leh political party aiawhte kal khawm chuan Remna Ni chu YMA kaihruaina hnuaia hman an lo rel tawh a ni.

Meeting chuan, Remna Ni lawm chungchangah, remna leh muanna Mizoramin a neih vanga lawmthu sawina kohhran hrang hrangah neih a nih theih nan Mizoram Kohhran Hruaitute Committee (MKHC)-ah ngen-na thlen an rel a; Remna Ni lawm--naa tel turin sorkar laipui lam mite pawh a ṭul anga sawm an rel bawk.

Nimina meeting-ah hian CYMA, MUP, MHIP, MZP leh MSU hruaitu te, political party-ah Congress, MNF, MPC, ZNP leh BJP aiawhte an tel a ni.