Prominent Press Representative pek rel

Mizoram Press Accreditation Committee chu nimin khan an chair-man, B Lalthanliana, Information & Public Relations secretary hoin a pisaah an ṭhukhawm a; thu thar thehdarh kawnga thawh hlâwk, kum 65 tling tawhte hnenah Prominent Press Representative nihna hlan an rel.

Meeting chuan, Mizo-ram Press Representative Accreditation Rules-in a phal angin, kum 65 chin chung lam, journa-lism lama hlâwk taka thawk tawhte hnena chawimawina leh hriat-puina Prominent Press Representative nihna chu remchang hmasa berah hlan an rel a; IPR Minister-in hlan se, an ti.

Meeting chuan, press mite'n accreditation an dilnate an endik a; firm pakhat aṭanga mi pahnih zel accreditation pek tura tih chu MJA-in firm dinhmun a inan loh avangin mamawh dan ena tih ni thei se, tia an rawtna chu sorkarah a rang lama thlen an rel a; dan siam
ṭha tura hmalak vat a, dan siamṭhat veleh ṭhukhawm leh an rel a ni.