Siam ṭha turin huaisen a ngai: Zodintluanga

Mizoram Veterinary Service Association (MVSA) chuan nimin khan Se-lesiha Vety Com-plex Rest House-ah Gene-ral Conference an hmang a; khuallian, minister Zodintluanga chuan ram siam ṭha turin huaisen a ngaih thu a sawi.

Conference hi MVSA president Dr Lalhming-thanga'n a kaihhruai a; Zodintluanga chuan, "Huaisen turin ka duh che u. Party worker-te thil supply pawh ni se, a lak tlak loh chu hnâwl ngam rawh u. Ram siam ṭha tur hian huaisen a ngai a, a
ṭha turah chuan i huaisen ngam ang u," a ti.

Zodintluanga chuan, thlen chin aṭanga ke pên zel a pawimawh tih sawiin, "Hma lam pana theihtawp chhuah zel turin ka chah duh che u," a ti a; hmachhawp hrang hrangte hmasawnna ke pênna atan hman a pawimawh thu a sawi.

AH&Vety minister C Ngunlianchunga pawhin thu sawiin, "Sorkarin AH&Vety-ah rinna an nghat a, dinhmun ṭhaah min dah. Kan dinhmun ṭhat-
na hian rah ṭha chhuah se, kan phak tâwkah thil ṭha tih i tum zel ang u," a ti.