Zirna hmasawnna atan hma la zel

Mamit District Education Committee chu nimin khan an ṭhukhawm a; an hun hmanpuitu parliamentary secretary (Education) Joseph Lalhimpuia chuan zirna hmasawnna atan sorkarin hma a lak zel thu a sawi.

Joseph Lalhimpuia chuan, "Sorkarin zirna tihhmasawnna atan hma a la zel a, zirtirtu subject bil atan lak a ni tawh. Kum 2016 HSLC exam tur selection test neih khap a ni chungin kum 2015 khan HSLC pass percentage chu 68.30% a ni a, kuminah chuan 71.7% a ni," a ti.

Meeting-a tarlan danin, SSA hnuaiah residential hostel pahnih - seat 50 awmna girls hostel leh seat 100 awmna boys and girls hostel a awm a; kum 2015-16 chhungin midday meal sem niin, zirlai 17,929-in an dawng a ni.

Mamit district chhung-ah hian high school 47 leh higher secondary school pali a awm mek a ni.