MCS-a kum bithliah tihhniam MSU-in an duh loh thu an sawi

Mizo Students' Union (MSU) hruaitute chuan nimin khan deputy chief minister Tawnluia a pisaah an hmu a; Draft Mizoram Civil Services (Combined Competitive Examination) Rules, 2020-a kum bithliah (maximum age) kum 35 (ST tan kum 40) hman mek mek, kum 32 (ST tan kum 37)-a tih­hniam rawt a ni chu ṭha lo an tih thu an thlen.

MSU hruaitute chuan, India ram state dangah pawh kum bi­thliah tihhniam a awm loh thu sawiin, tuna kal dan pangngai anga kalpui ni se an duh thu an thlen a; kum bithliah tihhniam a nih chuan un­-employment rate nasa taka a pun phah dawn thu leh, kum over lek lek tawh coaching kal lai ṭhahnem takte exam thei loa an awm phah theih dawn avangin ṭha lo an tih thu an sawi bawk.

Deputy Chief Minister chuan, Draft Mizoram Civil Services (Combined Competitive Examination) Rules, 2020 chu a lo en chian nghal tur thu leh hma a lak nghal tur thu MSU hruaitute a lo hrilh a ni.