Chatlak loa tui pump theihna tur Khawl lian phurh thlen a ni

Aizawla chatlak loa tui pump chhuah a nih theih nan hmalak mek a ni a, tui pump-na tur khawl liante chu nimin khan Dihmunzawlah phurh thlen niin, bun tura hmalak nghal a ni.

He hmalakna hi North Eastern Region Capital Cities Deve-lop-ment Investment Program (NERCCDIP) hnuaiah kalpui a ni a; Urban De-ve---lopment & Poverty Alle-viation (UDPA) de-partment-in Special Pur-pose Vehicle (SPV) tur a din SIPMIU chuan Pro-ject-2 hnuaiah an thawk mek.

He scheme atana pawimawh hmasa, 12.5 MVA transformer pahnih leh a kaihhnawih trailer pathumte chu SIPMIU leh PHE engineer-te'n a siamna hmun, Malanpur Bhind, Madhya Pradesh-ah an enfiah hnuah kar hmasa khan Aizawl phurh thlen a ni. PHE pump house awmna, Dihmunzawlah nimin zing dar 9 vel kan phurh thlen leh a ni.

PHE leh UDPA chang-tu minister Zodin-tluanga chuan, 12.5 MVA transformer/sub-station bun fel a, hman a nih hunah chuan voltage hniam vanga tui pump theih loh a awm tawh dawn lo tih a sawi a, "Peak hour laia load shedding emaw, tui pump tihtlem emaw a awm tawh lo ang a, dedicated power line a nih angin tui pump lamin kan chhawr ang bawkin, Aizawl khaw-puia chhungkuate'n hnianghnar zawkin tui an hmu thei tawh dawn a ni," a ti.

PHE department hotute pawhin, khawl thar hi bun a nih hunah chuan Greater Aizawl Water Supply Scheme Phase-I leh II atan engtik lai pawhin (24x7) power supply a awm theri tawh dawn tih an sawi a, "Tui pump turin chhun leh zanah load shedding a awm tawh lo ang," an ti.

Khawl phurh thlen leh bun a nih theih nana a ṭul ang apiang thawktu traf-fic police, SIPMIU, UDPA, P&E department, local council leh contractor-te hnenah lawmthu an sawi a ni.