May 2016 hmaa Tlawng lei dawh zawh phût

Hachhek Constituency Development Committee (HCDC) chuan, Sihhmui leh Lengpui inkara Tlawng lei chu sorkar a intiam ang ngeiin, May 2016 chhunga dawh zo turin sorkar an phût.

HCDC-in a huam china khaw hrang hranga welfare hruaitute leh zirlai pawl hruaitute chu Inrinni khan Aizawla MZP Conference Hall-ah an
ṭhukhawm a; resolution point pali an pawm a ni.

HCDC chuan, "Khawthlang mipuite'n awlsam zawka châkkhai kan lak ve theihna kawnga Tlawng lei awm hi sorkar hian a intiamna ang ngeiin May 2016 chhung ngeia dawh zo turin sorkar kan ngen a. He thu hi kan Chief Minister-in Assembly House ngeia a sawi a nih avangin hma la thuai turin kan beisei a ni," an ti.

HCDC resolution chuan, 4th IR battalion, Rengdila awm tura tih leh lungphûm vek tawh tun thlenga tihpuitlin a la ni lo chu an hriatthiam loh thu tarlangin, "Sorkar hian a rang thei ang berin hma rawn la se kan ti," an ti. Khawthlang lama teak chíngtute'n working plan chhungin an hralh zo hman lo a, working plan tâwp tawh chu hun hawng leh turin sorkar an ngen bawk.