PHE department engineer-te'n Hakha-a tui lak dan tur an enpui

Myanmar rama Chin state khawpui, Hakha-a nikum lama leimin leh tuilian tuara chhiatna an tawh avanga tui thinghlim lak dan tur enpuiin PHE department engineer pangate chu kar hmasa khan an kal a; an tih theih angte an tih hnuah an rawn haw leh tawh.

Thu dawn danin, Hakha Rescue Committee chuan an khawpuia tui lakna ṭha zawk a awm theih nana ṭanpui turin minister C Ngunlianchunga an ngen a; chumi kal zelah chuan PHE engineer-te chuan April 13-ah Hakha an pan a, April 20-ah an rawn haw leh.

Engineer-te hi sorkar offi-cial anga kal an ni lo a, anmahni ṭhahnemngaihna leh Chief Minister leh PHE Minister-te hriatpuinain an kal a ni. Mizo engineer-te hian Hakha khawpuia tlang rama tui pump chhuah dan tur te, lei chhung aṭanga tui pump theih dan tur te, drainage system-te leh ruahtui khawl dan turte an enpui a; ruahmannate an siamsak.

July 2015 vela Myanmar rama tui lian leh leimin kha Hakha khawpui hian nasa takin a tuar a, an tui tlante a chhiat nasat avangin tui thianghlim in tur ṭha an mamawh avangin Mizoram sorkara hotute hnenah ngenna an thlen a ni.