Vawk natna a punlun loh nan ṭan la

Champhai district-a AH&Vety department chuan thuchhuah siamin, tun hnaia Champhai leh a chhehvela vawk natna léng chu a punlun zel loh nan theihtawp chhuaha hma an lak thu an tarlang.

AH&Vety tarlan danin, vawk natna chu eng ber nge tih enfiah turin vawk damlo thisen leh a thi tawhte taksa bung hrang hrangte Aizawlah endik tura thawn a ni tawh a, rei lo tê hnuah result a hriat theih beisei a ni.

AH&Vety ngenna

. Ran damlo an awmin phone hmanga doctor-te be mai loin, Vety Hospital-ah kalin doctor-te râwn vat tur.

. Ran damIo thi reng reng dái vela paih mai loin, thûk ṭha taka phûm emaw, hâl ral tur.

. Ran vulhtute leh talhtute'n ran damlo talh/hralh loh tur a ni.

. Ran vulhtute'n ran in intlawhpawhsak tawn loh hram ni se.

. Hri danna (vaccine) pek dawn reng rengin ran hrisel ṭha chauh pek tur.

. Ran inte disinfectant (tuisen, Pphenol, dettol, etc) hmanga silfai ṭhin tur.

. Ran damlo reng reng a theih hram chuan a dang awmna aṭanga a hla thei ang berah dah hran tur.

. Vawk vulh tur Iak thar reng reng a dang nena dah pawlh hmain kar hnih tal hmun hrana dah tur.

. Ran damlo emaw, ran thi emaw awmna ina ran dang dah leh hmain disinfectant-a silfai hmasak ṭhin tur.