Charity Store atan inbuatsaih mek

Synod Social Front chuan Synod 2014 thurel bawhzuiin mi harsa leh rethei zawkte pualin Charity Store a siam dawn a; thawmhnaw, bungbel, bungrua, furniture, lehkhabu leh thil dangte thawh theih a ni a, May 5, 2016-ah hawn a ni ang.

Charity Store hi Tuikhuahtlanga R Zathanga building, Central YMA Office bulah siam a ni a, March 16, 2016 aṭang khan bul ṭan a ni. Charity Store-a thawh tur hian Mission Veng bial, Mission Vengthlang bial leh Kulikawn bialte dawr hmasak an ni a, bial dangte pawh la dawr zel tum a ni.

Synod Social Front Charity Store hi mi neinung zawkte'n khawsak harsa zawkte an ṭanpui theihna tura siam a ni a; thawmhnaw leh bungraw hrang hrang la hman tlak si, a neitute'n an hman ṭangkai si lohte an thawh theih nana ruahman a ni. Bungraw thawhkhawmte chu a hlutna azirin Rs. 100 aia to loa lei theih tura ruahman a ni bawk.