Champhai DRDA ṭhiah an remti

Champhai District Rural Development Agency (DRDA) Governing Body chu nimin khan an chairman James Lalrinchhana hoin DC conference hall-ah an ṭhukhawm. DRDA chu ṭhiah a ni a, District Rural Development Office, Champhai tia kalpui a ni tawh dawn.

James Lalrinchhana chuan, DRDA Governing Body, Champhai din a nih dan leh kalphung a sawifiah a; DRDA Governing Body member secretary Lalrinawma'n DRDA Champhai hnuaia hmunhma leh bungraw neihte sorkarah hriattir a nih tawh thu a sawi.

DRDA ṭhiah chungchang sawiho niin, ṭhiah an remti a, District Rural Development Office (DRDO), Champhai tia kalpui a ni tawh dawn. Agency ni tawh loin depart-ment office anga kalpui a ni dawn a, hmunhma leh bungrua neih ang angte pawh Mizoram sorkara Rural Development department kutah a awm tawh ang.

Ṭhutkhawmah hian Champhai North bialtu MLA H Ginzalala, East Tuipui bialtu MLA Ramthanmawia, Mizoram Khadi & Village Industries Board chairman C Lalremliana leh member dangte an tel a ni.