DEO-in home voting a ṭawiawm

Aizawl district election officer Nazuk Kumar, bawrhsap chuan nimin khan Lok Sabha inthlanpui atana Aizawl North-I biala home voting neihnate a tlawh a, voter-te nen an inkâwm.

Nazuk Kumar chuan, vote nei zawng zawngin vote an thlak theih nan, taksa lama harsatna nei, a bikin kum upa lam leh vohbikte tan an ina vote an thlak theihna tura ruahmanna siam a nih thu a sawi a; home voting ti ve lo zawngte chu April 19, 2024-ah anmahni polling station ṭheuhah vote thlak turin a sáwm nghal bawk.