ZPM Ṭhalaiin lawmawm an ti

ZPM Ṭhalai chuan thuchhuah siamin, tun hnaia thli leh rialin chenna in a tihchhiat vanga Mizoram hmun hrang hranga harsatna tâwk an awm chu pawi an tih thu leh, harsatna tawkte tana Mizoram sorkarin chhawmdawlna tur sum nuai 450 a ruahman nghal chu lawmawm an tih thu an tarlang.

ZPM Ṭhalai chuan, "Chenna in chhiate chhawmdawl a nih thuai theihna tura Disaster Management & Rehabilitation department changtu minister Pu K Sapdanga'n hma a la nghal leh a thawhpuite'n chak taka an bawhzui nghal hi lawmawm kan ti hle. Khuarel chhiatnain a tihbuai harsatna tâwk mekte tana sorkar chêt lâk dan hian mipui thla a timuang tak zet a ni," an ti.

Thli tleh leh rial tlain Mizoram hmun hrang hranga in 2,311 a tihchhiat tuartute an tawrhpui tak zet thu ZPM ṭhalaite chuan an tarlang bawk.