Zirtirtute quarters sak dan tur sawiho

Khawzawl District Education Committee chu an chairman K Lalrohlua, bawrhsap hoin nimin khan DC Meeting Hall-ah an ṭhukhawm a; Mizoram sorkarin budget-ah zirtirtute quarters sakna tur cheng vbc. 30 chuang a dah Khawzawl disrtict-a hman dan tur an sawiho.

Mizoram sorkarin kumin budget session-ah zirtirtute quarters sakna atan cheng vbc 30 chuang a dah bawhzui dan tura Khawzawl District Education Office-in ruahmanna an siam chu thlirho a ni a; khaw tin mamawh dan a inan loh theih avangin ngaih pawimawh dan indawt (priority list) siam ni se, an ti.

Tun hnaia thli tlehin sikul a tihchhiatte State Disaster Renponse Fund hnuaiah DEO kaltlangin chhawmdawlna pek ni se, an ti a; Khawzawl khawpuia sorkar zirna-in hrang hrangte'n zirlai an neih dan leh zirtirtu an neih dan an thlirho bakah, sorkar enkawl primary school-a zirlai inziak lut an pung chu lawmawm an tih thu an tarlang bawk.