Covid-19 No Tolerance Drive chhunga kaih­hruaina tichhuak

Aizawla chawlhkar hnih chhung inkhuahkhirhna kalpui chu vawiin zing dar 4:30-ah a tàwp a, November 30, 2020 thleng Covid-19 No Tolerance Drive kalpui leh nghal tur a ni. Drive chhunga inkaihhruaina tur pawh November 7, Inrinni khan State Disaster Managment Authority (SDMA) hnuaia State Executive Committee Chairman, Chief Secretary ni bawk chuan a tichhuak.

Order-a a lan danin, COVID -19 No Tolerance Drive kalpui chu Covid-19 darh zel tur venna atana tih a ni a; Aizawlah Traffic No Tolerance Drive neih nghal a ni ang. Disaster Management Act, 2005 Section 22(2)(h) leh Section 24 tlawhchhana tih a ni a, kaihhruaina bawhchhiate chu dan hmanga hrem theih a ni.

•    District khawpuiah zan dar 8 aṭanga zing dar 4:30 inkar curfew.

•    Aizawlah lirthei registration number odd-even anga intlan chhâwk tur; intlan chhâwk hun chhung zing dar 9 aṭanga tlai dar 4:30.

•    Thawhṭanni, Nilaini leh Zirtawpni-ah odd (kawpkim lo)-te an tlân thei; Thawhlehni, Ningani leh Inrinni-ah even (kawpkim)-te an tlan thei; Pathianni-ah tlan phal loh vek.

•    Aizawlah dâwr inhawn chhâwk tur, dawr indawtte a ruala hawn phal a ni lo; tlai dar 5 hmaa khàr tur.

•    Zirna in zawng zawng khâr zel tur a ni.

•    Sakhaw hmunah punkhawmna huaihawt phal a ni lo; biak-ina zing ṭawngṭai inkhawmah mi 25 aia tam lo tel theih.

•    Mitthi vuina leh inneihnaah mi 35 aia tam punkhawm loh tur.

Vawiin Thawhṭanni aṭanga November 30, 2020 thleng Covid-19 No Tolerance Drive kalpui turah a hnuaia mite hi inkaihhruainate a ni. Inkaihhruainaa tarlan tam tak chu hun eng emaw chen kalphunga neih tawh a nih avangin, inkaihhruaina zawng zawng tihlan a ni lo.

1.    Mizoram luh leh chhuahna inter-state border hawn mek kawngpuite hawn chhunzawm tur.

2.    Lengpui Airport hawn chhunzawm a ni ang.

1.    Mizorama lut reng reng entry point-ah screening kalpui zel a ni dawn a, khung hranna hmun ruatah inkhung tur. Hei hian ṭul bik thila order hran siamte a huam lo.

2.    Mizoram luh hmain mCOVID-19 mobile application mPASS-flight emaw mPASS-road hmangin an inhriattir lâwk tur.

1.    Department/office hotute'n thawktute an kal dan tur an ruahman ang. Covid-19 Executive Duty tura ruatte chuan DC ruahman angin an thawk chhunzawm ang.

2.    Office gate/kawtkaiah kut silna tur emaw hand sanitizer emaw dah tur.

3.    Office dàwr tur reng rengin appointment lâk hmasak a ngai.

4.    Thawktu, dam lohna nei sa emaw, hrisel lohna bik nei leh nau pâite chu chawlh (commuted leave) pek theih a ni.

5.    Minister-te public interview khâr a ni.

1.    District khawpuiah zan dar 8 leh zing dar 4:30 inkarah páwna chhuah phal a ni lo.

2.    District khawpui tinah phalna nei loa vantlang hmuna mi 5 aia tam awm khawm khap a ni.

3.    Mi dang nena awmhonaah leh páwna chhuak tur reng rengin hmai tuam tur.

4.    Vantlang hmun leh dawra kalte ft. 6 tala inhlata awm tur a ni.

5.    Mizoram páwn aṭanga lut, quarantine paltlang lo mikhual thlen phal a ni lo.

1.    Mihring phur sumdawnna lirtheite'n ṭhutna awm zat (zeat capacity) aia tam phurh phal a ni lo.

2.    Lirthei khalhtu leh an phurhte'n hmai tuam vek tur.

1.    Sikul, college leh zirna hmun dangte khâr chhunzawm tur a ni a, zirtirtute ráwn tura sikula kal phal a ni lo.

2.    Sakhaw biakna hmunah mipui punkhawm huaihawt phal a ni lo. Biak-ina zing ṭawngṭai inkhawm chu mi 25 aia tam loa neih phal a ni.

3.    Sport tournament huaihawt phal a ni lo. Practice erawh chu indoor-ah mi 10 leh outdoor-ah mi 25 aia tam loa neih theih a ni.

4.    Picnic spot leh intàwllènna hmunte khâr zui zel tur.

5.    Mitthi vuina leh inneihnaah mi 35 aia tam awm khawm phal a ni lo. Kalte hming mumal taka chhinchhiah tur.

6.    Chhiatni/ṭhatni puipunnaah zai/ zaikhawm loh tur.

7.    Mitthi vuinaah thingpui sem loh tur a ni.

G.    Kalphung hman mek ang a ni tlangpui.

1.    Aizawlah dawr hmun (market area)-ah dawrte inhawn chhâwk tur a ni a, dawr indawtte a rualin ni khatah hawn phal a ni lo a; hei hian damdawi lam dawr a huam lo.

2.    Dawr/sumdawnna hmunah inkar hlata awm tur a ni a, hmai tuam tur a ni.

3.    Dawr neitute'n hand sanitiser chhawp ngei tur, hming ziahna chhawp tur.

4.    Dawrte chu (damdawi dawr tiam loin) tlai dar 5 hmaa khâr tur a ni.

1.    Aizawl khawpuiah lirtheite registration number odd leh even intlân chhâwk a ni dawn. Intlàn chhâwk hian zing dar 9 aṭanga tlai dar 4:30 a huam ang.

2.    Thawhṭanni, Nilaini leh Zirtawpniahte 'odd' (kawpkim lo) number-a a tàwpte an chhuak thei ang a; Thawhlehni, Ningani leh Inrinniahte 'even' (kawpkim) number-a tawpte an chhuak thei ang. Pathianniah lirthei tlàn chhuah phal a ni lo.

3.    Intlan chhâwk leh Pathiannia tlan phal lohin a hnuaia mite hi a huam lo.

i)    Covid-19 duty sorkar hnathawk, Health department hnuaia volunteer leh task force-te.

ii)    DMR, FCSCA, Home (Police, Home Guards & Civil Defence, Fire & Emergency Services, Prisons, Forensics), HFW, IPR leh PWD/PHE/P&E/DC/AMC pisaa sorkar hnathawk emergency duty-te leh essential service lama thawkte.

iii)    Ambulance leh medical/ veterinary emergency motor.

iv)    Damdawi-ina thawkte lirthei.

v)    Court-a thawkte.

vi)    Print & electronic media a thawk duty-te lirthei.

vii)    Kohhran hminga motor register te.

viii)    Bawlhhlawh paih leh bawnghnute semte lirthei.

ix)    Aizawl leh khaw dang inkara maxicab leh bus service.

x)    Dam lohna (medical emergency) leh chhiat tawh thila chhungkhat laina hnai zuala kal ngai, task force hriatpuina neite.

4.    COVID-19 No Tolerance Drive chhungin Aizawlah Traffic No Tolerance hman nghal tur a ni.

5.    Ṭul bik dangah leh Aizawl aṭanga chhuak leh Aizawla lut turte tan Traffic SP-in phalna a pe thei. Phalna hi mCOVID-19 mobile application emaw https://mcovid19.mizoram.gov.in hmangin mPASS traffic-ah dil theih a ni.