Kan candidate kan ring tâwk - Lalthansanga

ZPM MLA Lalthansanga, minister chuan tun hnai khan Lok Sabha MP inthlan lo awm tur atan Hachhek bial chhunga khaw hrang hrang a tlawh a, an candidate chu an rin tâwk thu a sawi.

Lalthansanga chuan, kumin MP inthlan chu ZPM-in an la thutak hle tih sawiin, "Zoram pumah theihtawp kan chhuah. Kan candidate Pu Richard Vanlalhmangaiha hi Nomination Committee-in uluk taka ngaihtuahna sénga kan thlan a ni. Zoram hmasawnna paw chhuak turin kan ring tâwk a, ZPM sorkar a chak lehzual theih nan hnehna sang tak a chan theih nan lo vote ṭheuh turin ka sawm che u," a ti.

Mizoram leh Mizo mipui tan tih tak zeta hna an thawh phawt chuan tu pawh sorkar se, central-in Mizoram puih a châk em em tih sawiin Lalthansanga chuan, "Keimahni lam hi taima takin i thawk u. ZPM sorkar chuan awmze nei loa sum hman ral leh development sum chhehrelhte a duh lo," a ti a; dik taka hna thawk turin sorkar hnathawkte leh loneitute a sâwm.