CII leh Yi-in Jaishankar an kâwm

Confederation of Indian Industry (CII) leh Young Indians (Yi), Mizoram hruaitute chuan nimin khan Hotel Regency-ah External Affairs minister Dr S Jaishankar an kâwm a; Ministry of External Affairs-in hmarchhak bial, a bikin Mizoram tana hmasawnna hna a thawh tur hrang hrang inzirtirna leh hmalak dan tur an sawipui.

Inkawmhonaah hian sumdawnna leh ram inlaichinna chungchang te, sumdawnna lam sûlsutu leh ṭhalaite bakah, khawtlang mipuiin ram hmasawn nana thâ an thawh theih dan kawngte zir leh sawiho a ni.

S Jaishankar chuan, hmasawnna hna thawh turah state-in harsatna an tawh ṭhinte ngaihtuah chungin, hmanraw mamawh inpek leh inpuih theihna awm apianga ṭanpui chu sorkar laipuiin a tih vek tur thu a sawi a; venhimna leh thuneitute inbiakna aṭanga dinhmun nghet siam theih chu India ram kal tawh dan leh, India-in ram dang nena inlaichinna a siamna kawnga a bulpui ber a nih thu a sawi.

CII hian sorkar leh industry stakeholder-te nena thawk dunin hmasawnna ruhrel din kawngah te, mipui tana sumdawnna hmun ban phak awlsam zawk siam te, ramri paltlanga insumdawn tawnna tihchangtlun te, MSME hnuaia thiamna bik nei chher belhte chu a tum a ni.