Lirthei hman theih zat bituk

Election Commission of India (ECI) chuan recognised political party office bearer (OB)-te'n Lok Sabha inthlanpui kaihhnawiha lirthei an hman theih zat a bituk a; Mizoramah chuan recognised political party OB-te'n a tam berah lirthei pathum bak an hmang thei dawn lo.

ECI tarlan danin, recognised political party OB-te tana inthlan kaihhnawiha hman tur lirtheite chu Chief Electoral Officer (CEO) chauhin hman phalna a pe thei a; assembly constituency 100 aia tam nei state tan CEO chuan a tam berah lirthei panga chin hman phalna a pe thei. Assembly constituency 100 nei tling lo state leh union territory-ah chuan a tam berah lirthei pathum chin hman phalna pek theih a ni.

Lirthei hmanna senso zawng zawng chu political party-te tum tur a ni a, candidate-in an tum tur a nih loh thu tarlang a ni bawk.