Savawm zawng hmu zo lo

Deputy Conservator of Forest (DCF), Aizawl Wildlife Division chuan thuchhuah siamin, March 1, 2024 zing kara Aizawl Zoological Park-a savawm, a huang aṭanga chhuak chu sahuan chhungah an hmuh zawh loh thu a tarlang.

DCF tarlan danin, savawm hmuh hnuhnun ber chu March 3, 2024 a ni a, a tûk March 4 aṭangin hmuh zawh a ni tawh lo. Sahuan huam chhungah ngawrh taka zawn ni mah se, hmuh a ni tawh lo a, sahuan páwn lamah a awm tawha rin a ni.

Savawm chu lo hmu emaw, a chin hria emaw an awm a nih chuan a rang thei ang berin phone number 8837322990 (Zoo RO) emaw, 8974450937 (Aizawl Wildlife Division)-ah hriattir vat turin DCF chuan a ngen.

Aizawl Sahuan huam chhungah savawm hmuh zawh a nih tâk loh avang hian vawiin aṭangin Aizawl Zoological Park chu dan pangngai angin mipui tlawh theiha hawn leh a ni ang.