Hmun hnihah heroin man

Assam Rifles leh Champhai police-te chuan April 10, 2024 khan Hnahlan ram huam chhungah heroin kg. 1.522 an man a, a neitu Myanmar lam mi pahnih - Kamsong (53) s/o Thualngathang leh Ngailunniang (50) d/o Chinthang te an man bawk. Heroin hi international market-ah Rs 10,65,40,000 hû a ni.

April 10 vêk khan Assam Rifles leh CID (Crime) hnuaia Special Narcotics Police Station mite chuan Ropaiabawk, Chawlhhmunah heroin gram 50.860 an man a, Rs 35,60,200 hû a ni. Heroin neitu hian a heroin hi paihin a tlanchhia a, AR leh police-te'n an man hman lo.