Mi pawisa chhuhsak tumtu mi pathum police-in man

Mizoram Police CID (SB) hnuaia Special Operation Team chuan March 25, 2024 khan Saipum, Kolasib district-ah Tuirial Hydro Electric Power Project leh Mauchar khaw inkarah hnam dang sumdawng hnen aṭanga pawisa chhuhsak kaihhnawihah mi pathum an man.

Mi pawisa chhuhsak vanga police-in an mante chu - Lalzarzova (47) s/o Tlangkhuma, Mauchar te, Lalropianga (38) s/o Lalengliana, Thingpuikual, Manipur leh, Lalmuankima (34) s/o Thangmawia, Mauchar te an ni a; Sakawrdai Police Station-ah IPC Section 397/395/341/34 tlawhchhanin thubuai ziah luh a ni.

Lalzarzova hi HPC-D (Lalhming-thanga Sanate kaihhruai) mi leh sa a ni a, a kut aṭangin March 20, 2021 khan Excise & Narcotics-in Bûkpui ramah heroin gram 324 an mansak a; Court-in April 4, 2024 khan kum 10 chhung lung-ina táng tur leh Rs 1,00,000 chawi turin a lo hrem tawh a ni.