PC party-in bung thar kan siam - PC President

Peoples Conference party president Vanlalruata chuan, Lok Sabha inthlan turah PC party-in bung thar an siam thu sawiin, an candidate Rita Malsawmi vote turin Mizoram mipui a sáwm.

Vanlalruata hian nimina an party pisaa inkawmhonaah thu sawiin, Lok Sabha inthlan turah bung thar siamin Mizorama MP atana party hmeichhe candidate hmasa ber an neih thu a sawi a, "Hmeichhe dinhmun chawisan kan sawi thin avang leh India pawhin policy neia ram rorel khawla hmeichhia an tam theih nana hma a lak nasat avangin candidate atan hmeichhia kan hmang a, Mizo history-a reh tawh ngai lo tur bung thar kan siam a ni," a ti.