Mizoram UPC hruaitu thar thlang

Mizoram UPC rorelna sáng Pastoral Board (vawi 92-na) leh Executive Committee (vawi 62-na) chu December 7 aṭanga nimin thleng khan Mizoram UPC Gen.Hqrs Office conference hall-ah an ṭhu a; kum 2021-22 chhunga hruaitu thar tur an thlan bakah, pastor nemngheh turte lak a ni.

Mizoram UPC exe­cutive chairman leh general treasurer term kum hnih a tàwp tawh avangin thlan thar a ni a; executive chairman atan Upa C Lalropianga, Ramhlun South kohhrana mi thlan niin, general treasurer atan Rev. PB Lalhmuliana, Bawngkawn bialtu thlan a ni.

Executive Committee hian general huapa department, board leh committee hrang hranga hruaitu turte an thlang bawk a; LAD president atan Lalchhandami, Chaltlang leh PYD pre­sident atan Upa Vanneia Pudaite an thlang.