PAVALAI INTAWHKHAWM

Mizoram Presbyterian Kohhrana Kohhran Pavalai Pawl (KPP) Intawhkhawm vawi 6-na, East Lungdar khelmuala April 12, 2024 zana ṭan chu nizan khan a ṭiak. 

Nimin khan chawhma, chawhnu leh zan inkhawmah speaker Rev. C Zorammawia, Synod senrio executive secretary-in thupui 'A chhe lai siamṭhatu' tih a sawi. Intawhkhawmah hian inkhawm apiangin bial leh kohhran mal hrang hrang KPP zaipawlte'n hla an rem ṭhin. 

Intawhkhawm Committee secretary Upa C Lalmuankima hnen aṭanga thu dawn danin, KPP-ah hian ram pumah member 50,174 (report lut chin, lut lo a awm nual) an awm a, Intawhkhawmah hian Inrinni zan thlenga palai kal zat chhinchhiah chu mi 6,000 vel an ni.