Heroin, kuhva leh zu man

Assam Rifles leh Mizoram Police-a CID (Crime) hnuaia Special Narcotics Police Station mite ṭangho chuan April 13, Inrinni khan Aizawlah heroin gram 325.3 an man a, international market-ah Rs 2,27,65,000 hû a ni. A neitua puh mi pathum - Lalremsanga Ralte (36) s/o Vanlaltirha, Ramhlun South, Ngosiankhaia (26) s/o Mangkham, Ngur, Champhai district leh, JH Lalrinfela (23) s/o JH Zothansanga, Chite Veng, Aizawl nia inchhálte an man bawk.

Assam Rifles sipaite chuan April 12, 2024 khan Ruantlangah ram dang aṭanga dan loa lak luh kuhva rah ip 100 (kg. 8,000) an man a, Champhaia Customs department hnenah an hlân. Kuhva rah man hi Rs 56,00,000 hû a ni.

April 12 vêk khan Assam Rifles-te chuan Mualkawi, Champhai district-ah ram dang zu, beer leh wine tam tham tak an man bawk a, a vaiin Rs 17,64,000 hû a ni.