A záwnin ni thum chhung zu siamna hmun tichhia

Mizoram Police-te chuan tun hnaiah Aizawl leh a chhehvela zu siamna hmun eng emaw zat an tichhia a; ni thum chhungin zu leh zu siamna Rs 16,75,000 hû an tichhia.

Thu dawn danin, Kulikawn Police Station-a police-te chuan April 11, 2024 khan Phunchawng rama zu siamna an enfiah a; zu siamna hmun pahnih an tichhia. Zu siamna an tihchhiat aṭangin zu litre 720 siam chhuah theih anga chhût a ni a, chu chu Rs 3,60,000 hû a ni.

April 12, Zirtawpni khan Bawngkawn Police Station-a police-te'n Tuirial lui chhak, Tuikhurhlua zu siamna zém 11 an tichhia. Zu siamna 11 aṭang hian rakzu litre 2,200 a chhuak thei anga chhût niin, Rs 11,00,000 hû a tling.

Sairang Police Station-a police-te pawhin April 13, Inrinni khan Phunchawng Mel-10 huam chhunga zu siamna hmun an enfiah a, zu siamna zém pathum an tichhia. Zém pathum aṭang hian zu litre 360 a chhuak theia chhût a ni a, chu chu Rs 2,15,000 hû a ni.