Health Minister-in Kawrpuichhuaha Coronavirus screening point a tlawh
Health & Family Welfare (HFW) minister Dr R Lalthangliana chuan nimin khan Kawrpuichhuaha Coronavirus Screening Point a tlawh a, hna an thawh dan an enfiah.
Kawrpuichhuah hi Bangladesh ramria awm a ni a, February 10, Thawhṭanni aṭangin Mizoram sorkarin medical team duty dahin, ramri kaltlanga veivâk leh khualzinte endik hna kalpui ṭan a ni. Thawhṭanni khan mi 18 endik zingah Coronavirus vei hmuh a ni lo.
Health Minister chuan, Kawrpuichhuaha 60 Bn. BSF assistant commandant SK Pareek kâwmin, Coronavirus screening kalpui mekah Health official-te theihtawpa
ṭawiawm tur leh hma lakpui turin a chah a; SK Pareek pawhin, 60 Bn. BSF-a male nurse-te'n Coronavirus screening kalpui mek chu an puih tur thu a lo hrilh.
Dr R Lalthangliana hian February 10 khan Tlabung damdawi-in leh Lungsen damdawi-in a tlawh bawk a, thawktute a fuih.