Bye-election-ah BJP chak

April 29, 2016-a Chakma Autonomous District Council (CADC)-a Mandirasora MDC biala bye-election neih result chu Inrinni khan puan a ni a, BJP candidate Laxmi Bikash Chakma thlan tlin a ni.

Bye-election-a vote tlate hi Lawngtlai DC Dr A Muthamma hoin Chawngte SDO office-ah chhiar a ni a; thlan tlin tâk Laxmi Bikash Chakma chuan vote 605 a hmu. Congress party candidate Onish Moy Chakma-in vote 369 a hmu a, MNF can-didate Purna Chandra chuan vote 180 a hmu thung.

CADC-ah hian elected seat 20 leh nominated seat pali a awm a, tun dinhmunah Congress-in seat 21, MNF-in seat pahnih leh BJP-in seat pakhat an chang a ni.