Lirtheia chetsualnaah mi pahnih thi

Nimin khan Ramhlun Venglai leh Lunglei Falkawnah lirtheia chet-sualna a thleng a, mi pahnihin nunna an chán.

Thu dawn danin, nimin chawhma dar 10 vel khan Lunglei Falkawnah bike leh bike an insû a, bike pakhat zawk khalhtu Edward Lalrinpuia (20) s/o FJ Kholum, Lunglei Ramthar Veng chu dam-dawi-in panpui a nih hnu, chawhma dar 11:35 velah a hliam tuar loin a thi. Edward-a hi amah-in a chuang a, bike pakhat zawkah mi pahnih chuangin, hliam na lutuk an tuar lo.

Nimin vek chawhnu dar 2:30 vel khan Vaneng-mawia (16) s/o Lalngheta, Vanghmun, tuna Zuangtui cheng mek chu Ram-hlun Venglaiah bike-a an chetsualnaah a thi.

Traffic police aṭanga thu dawn danin, Vanengmawia hian bike khalhin, a
ṭhianpa a phur a, taxi an sut hnuah truck hnuaiah an invawrh lut a ni.