Delhi-a meeting-ah John Rotluangliana

India rama kawngpuia himna leh Transport sector hna thawh dan tichak tura din, Group of State Transport Ministers chu tun hnai khan Delhi-ah an ṭhu-khawm a, Transport minister John Rotluangliana pawh a tel.

November 18-19, 2015-a Bra-silia Declaration, khawvel pumpuia accident thihna leh chhiatna thleng ti tlem tura hma latu inkhawmpui thuchhuak bawhzui turin Group of State Transport Ministers hi din a ni a; lirtheia chetsualna vanga thihna thleng ṭhin chu kum 2020-ah chuan 50% a tihhniam tum a ni.

Meeting-ah hian India rama state hrang hranga Transport Minis-ter paruk an tel a, khawvel ram hrang hrang hmalak dan bakah, ram chhunga chetsualna thleng tihtlem dante an sawiho a; India hmalak zelna tura an duhte relin, rawtna theh-luh tur pariat an chhawp chhuak bawk.

John Rotluangliana hian vawiin hian a department chan Tourism leh Transport-a hmalakna chungchangah sorkar laipuia secretary leh DoNER hotute hmuh a tum a ni.