VC inthlan atan inbuatsaihna kal zel

May 19-a Aizawl leh Kolasib district-a village council 21-a inthlanna neih tur atan inbuatsaihna ngawrh taka neih chhunzawm zel a ni. Aizawl district-a V/C 25 a seat 99 chuh turin candidate 312 an awm a, Kolasib district-a candidate zat erawh hriat theih a la ni lo.

Aizawl district-a khaw 25-a V/C seat 99 zinga 72 chu general seat a ni a, seat 27 chu reserved seat a ni thung. Congress-in seat 98, MNF in seat 84, BJP in seat 40 leh ZNP-in seat 19 leh MPC-in seat khat an chuh. Khaw 25 ah hian chhungkaw 4,171 ah voters 15,743 an awm.

Kolasib district-a khaw panga V/C seat 26 awm zingah 20 chu general seat niin, paruk chu reserved a ni.