Thli leh ṭekin êng pekna tichhia

Pathianni zana thli tleh leh nimin chhuna ṭek tlain Aizawl khawpui leh a chhehvela electric hruai leh transformer engemawzat a tichhia a, hei vang hian Aizawl khaw-puia veng ṭhenkhat-in hun eng emaw chen current an nei lo.

Thudawn danin, nimin chhuna ṭek tlain Zuangtui-a 132 KV Sub-Station-a push bar-a conductor a deng chhia a, Pathianni zana thli tleh khan hmun tam takah electric line a tihchhiat bakah electric line insi avangin transformer engemawzat a chhia a, chung zingah chuan Zuangtui 132KV Sub-Station aṭanga Zarkawt leh Aizawl hmarlam eng pekna 33KV line leh Durtlang eng pekna transformer pawh a tel.

Power & Electricity dept. hnathawkte chuan electric line chhia leh transformer chhia hi siamṭha tur-in an thawk chhuak nghal a, khaw awm danin a zir loh avangin hna an thawh chak theih loh bakah, hnathawh a nih avangin current pek chhuah tihtawp a ngai
ṭhin a ni.