Mizoramah ESIC tumin inbuatsaih mek

India ram hmun hrang hrangah Employees State Insurance Corporation (ESIC) scheme kalpui a ni tawh a, Mizoram pawhin kalpui a tum mek a, hriattirna tihchhuah thuai a tuma thu dawn a ni.

ESIC hi Ministry of Labour & Employment hnuaia awm a ni a, sor-kar hnathawk lo, orga-nise sector-a thawk, thla khata Rs. 15,000 aia hniam hlawhte tan social secu-rity siamna tura tih a ni. ESIC hnuaiah hian hna thawktu leh a chhawrtute sum dah tur zat bithliah a ni a, a kalphung erawh Employment provident Fund (EPF) nen a inang lo.

Mizoram State Health Care Society (MSHCS) hotute hnen aṭanga thu dawn danin, ESIC hi Ministry of Labour & Employment hnuaia mahnia inrêlbâwl (autonomous body)-a awm a ni a; state sorkar leh ESIC-te inbiak remna anga kalpui tur a ni. State sorkarin phalna leh remtihna a pek a ngai a, Mizoram sorkara Cabinet meeting chuan May 21, 2013 khan ESIC scheme kalpui a lo remti tawh a ni.

ESIC hi Mizoramah hman a nih chuan, hna thawka mi 10 chin chung lam chhawrte an zawm a ngai dawn a; dawr chi hrang hrang, chanchinbu hmanga eizawnna, cinema/theatre/electronic media, hotel leh restau-rant, kawng siama hna-thawk (road transport establishment), thil siam chhuahna hmuna electric current hmang chi leh hmang lo chi, mimal zirna in, damdawi-in, natna endikna hmun, laboratory-a thawkte leh sorkar aṭanga damloh nikhuaa hlâwkna têl ve thei lo zawng zawngte a huam vek dawn.

MSHCS hotute chuan, ESIC kalpui a nih hunah chuan Labour, Em-ployment & Industrial Training department lamin khawng zawkin an kalpui a ngai tawh dawn tih an sawi. ESIC zawmtu zawng zawng hnenah smart card pek a ni ang.

Aizawl Municipal Corporation (AMC) huam chhungah chuan ESIC tihhlawhtlinna turin state sorkar tih ve tur pahnih a awm a; chungte chu - dis-pensary buatsaih leh hna thawktu lak niin, chu'ngte chu zawh fel tawh a ni.

Dispensary chu ITI Venga Urban Health Cen-tre-ah siam a ni a; hman-rua an la dah kim lo a, thawktu tur doctor pakhat, pharmacist pakhat, laboratory technician pakhat, nurse pahnih, dres-ser pakhat, office assis-tant pathum leh IV grade pathum lak tawh a ni.