MNF-a luh an intihhmuh mek: Zorama

MNF president Zoramthanga chuan, mipuiin MNF-a luh an intihhmuh mek niin a sawi a, "MNF tan kumin chu buh seng tur a tam zual a, buhphal mai ni lo, a buh vâwngin kan chhîpchuan lut a ni," a ti.

Zoramthanga hian nimin khan Mizo Hnam Runa mi thar lawm luhna inkhawmah thu sawiin, Mizo mipuite chu MNF-a inchhûng khawm zel turin a sâwm a ni.

MNF-in zalenna an sual laiin Zofate luah chin ram hranga awmte hmun khata an awmna turin ramri tur leh phût chin an an nei nia sawiin, Zoramthanga chuan, "Mizoram chu hmun li-ah ṭhen darha awpin, Manipur hmar lam chu 'Rûn bung' tiin, Mizoram chhunga tel lo lui hming puttirin area kan siam daih tawh a ni," a ti.

MNF President chuan, state ṭhen-awma Zo hnahthlakte Aizawla an lo kalin, an harsatna leh buainate sorkar hotu te, political party leh tlawmngai pawl hrang hrangte hmu tura thurâwn a lo pek ṭhin thu a sawi bawk.