Sangau-ah ruihhlo an tichhia

Young Lai Association (YLA) sub-headquarters, Sangau Anti Drugs Squad (ADS) chuan kum 2019 Krismas leh Kum thar 2020 lawmna vuakveta ruihhlo chi hrang hrang an man Rs. 13,68,150 man chu January 3, Inrinni khan an tichhia a, hâl ral theihte an hâl.

YLA Sub-Hqrs Sangau Anti Drugs Squad hi November 19, 2019-ah din a ni a, ruihhlo chi hrang hrang an vai ṭhin a, ruih theih thil chi hrang eng emaw zat an man a ni.

Ruihhlo tihchhiatna inkhawm chu Sangau Anti Drugs Squad chairman F Lalramdinthara'n a kaihruai a, LADC-a executive member C Lallungmuana leh khawtlang hruaitute an tel. Sangau YLA Sub-Hqrs. president V Lalduh­thiama chuan, Anti Drugs Squad chuan ni 46 chhungin ruihhlo chi hrang hrang Rs. 13,68,150 man an man tih a sawi a ni.

Ruihhlo an tihchhiatte

    Ruihhlo    A man zat

1.    Rakzu    Rs. 921,000

2.    Burma zu    Rs. 2,79,000

3.    Burma whiskey & beer    Rs. 1,050

4.    Spasmonil    Rs. 700

5.    Khamir    Rs. 5,250

6.    Sapzu    Rs. 69,000

7.    Ganja    Rs. 92,150