Dy. CM-in police dincham lawmna hmanpui

Mizoram Police chuan Inrinni khan an din­cham vawi 48-na Lam­mualah an lawm a, khuallian dy. chief minister Tawnluia chuan an dincham chu police-te'n thawhhona ṭha a pawimawh tih hriat tharna atan nise a duh thu a sawi.

Dy. Chief Minister chuan Mizoram Police-te'n hmasawnna ṭha zawk an neih zel a beisei thu sawiin, "Police-te'n Mizo­ramah administration tluang taka a kal theih nana hna an thawh zawng zawngte hi fak tlak a ni," a ti.

Khualzahawm Sports minister Robert Romawia Royte chuan fitness a bik takin police-te tan a pawimawh thu sawiin, chumi atana DGP leh officer dangte'n hma an la chu lawmawm a tih thu a sawi. Inrinni khan Mizo­ram Police Raising Day puala zone hrang hrang football tournament buat­saihah Zone III leh Zone V ten final an khel a ni.