Mi thil rûk sa lei lo turin Police-in mipui an ngen

Mizoram police-te chuan thuchhuah siamin, rûkrûk a hluar zel loh nan thil rûk tih hriat emaw, rinhlelh theih emawte lei lo tur leh, rinhlelh thil zuar hmute chu police station hnai bera hriattir zel turin mi tin an chah.

Police PRO thuchhuah chuan, Mizoram hmun hrang hrangah, a bikin Aizawlah thil rûk chíng an tam tial tiala a lan thu a tarlanga, "Rûkrûte hian mahni hman atan thil an ru mawh khawp mai a, a tlangpuiin mi dang hnenah an hralh leh ṭhin. Rûkrûk a tlem theih nana pawimawh ber pakhat chu, mipui zingah thil rûk a tlâwm zawk vanga lei hreh lo kan tam fo hi a ni," an ti.

Police thuchhuah chuan, tun hnaia mi thil rute an man an aṭangin an thil rûk miin an leisak tawhte an la let mek zel tih a tarlang a; mi thil ruk leisaktu paruk chu thubuai an siamsak tawh thu leh, mi thil rûk sa leisaktute chu kum thum thleng tâng tura hrem theih an nih thu a tarlang bawk.