MSU leh NIT Director-in inremna siam

Mizo Students' Union (MSU) chuan, March 16, 2016 zana National Institute of Technology (NIT), Mizoram Boys Hostel-a buaina tenau chhuak chungchangah May 2, 2016 khan NIT-Mizoram director Prof. UC Ray an hmuh thu leh, inremna an siam thu an tarlang.

MSU chuan, "NIT boys hostel-a buaina tênau chhuakah, thil awmzia hre chiang hmasa loin hnam dang zirlaite'n sakhua dang betute, hnam hrang leh hnam hrang inpumkhatna tichhe thei tura internet-a thu an post chiam avangin kan ngai haw hle a ni," an ti.

MSU tarlan danin, NIT-a first year zirlai
ṭhenkhat - Rohit Kumawat, Anurag Singh, Vikhyat Parashar, Rajneesh Singh, Ankit Singh leh Shivam Patel, NIT boys hostel-a awmte'n Facebook-a Prime Minister of India (PMO) page-ah thu an thehdarh a; hemi chungchangah hian MSU hruaitute chuan May 2 khan NIT director Prof. UC Ray chu a pisaah thil awm dan an sawipui a, inremna an siam.

Inremna ang chuan, NIT zirlai parukte chuan tun kar chhungin ngaihdam dilna leh thu dik tâwk lo an thehdarh a ni tih an signature ṭheuh telna press release an siam ang a; an press release chu Facebook-a PMO page-ah pawh thehdarh tura tih an ni.