Food Processing Industries-in Mizoram hnenah vbc. 1.28 a pe

Sorkar laipuia Ministry of Food Processing Industries chuan kum 2012-13 leh 2015-16 chhung khan 12th. Plan hnuaiah India ram pumah ṭanpuina cheng vbc. 27.44 a pe chhuak a; Mizoram tan bik cheng vbc. 1.28 a pe a, chu chu kum 2013-14 ah a ni.

Union minister of state for Food Processing Industries Sadhvi Niranjan Jyoti-i'n Lok Sabha-a zawhna ziaka a chhan danin, Ministry of Food Processing Industries chuan ran talhna/sa sawngbawlna (abbatoir/slaughter house) siam nan ṭanpuina pekna scheme a siam a, chu chu local body (municipal corporation/panchayat)/public sector undertaking/co-operative/board-te hman turin pek ṭhin a ni.

Ran talhna/sa sawngbawlna siamna atan hian sorkar laipui chuan 12th Plan chhung khan Mizoram sorkar hnenah kum 2013-14 chhung khan cheng vbc. 1.28 a pe tih, Sadhvi Niranjan Jyoti chuan a tarlang.