
Lok Sabha inthlan tur pualin kohhrante an ṭawngṭai
Mizoram Kohhran Hruaitute Committee (MKHC) ngenna angin MKHC-a tel Mizorama kohhran páwl hrang hranga tualchhung kohhrante chu Inrinni zan leh Pathianni zan khan Lok Sabha inthlanpui neih tur pualin an ṭawngṭai rual.
Kohhrante chu inthlan tluang taka neih a nih theih nan leh Mizoram aiawhtu mi ṭha thlan chhuah a nih theih nan te, India rama sakhaw zalenna ṭha taka a kal zel theih nan te, India ramah Kristiante rawngbawlna nèkchêpna leh harsatna siam zawnga hmalaknate a bo theihna atante an ṭawngṭai a ni.
MKHC hian Lok Sabha inthlan tur pualin thuchah a siam nghal a, kohhran inkhawmah chhiar chhuah a ni.