In kângah mi pakhat a kâng hlum

April 13, 2024 (Inrinni) zan dar 10 vel khan Vairengte Chhimvenga Sumneihkhawli (78)-te chhungkaw chenna in a kâng a, bungrua chuh hman loha a kan ral bakah, Sumneihkhawli a kâng hlum.

Thu dawn danin, Sumneihkhawli hi a tupa nena khawsa an ni a, Sumneihkhawli chu in chhawng chung lamah awmin, a tupa chu in chhawng hnuai lamah a awm thung. A tupa hian a pi chu chhan tumin, tukverhah a zuan chhuahpui a, damdawi-in panpui nghal ni mah se, a hliam tuar loin a thi a ni.

Inrinni zan vek khan Dâpchhuah, Mamit district-ah pawh in pakhat a kâng ral a, thi leh hliam an awm lo. Nimin khan khawtlangin hnatlangin an sak ṭhatsak ṭan nghal.

April 14, Pathianni pawh khan chawhma dar 10 velah Lunglei Luang­muala C Malsawma in kângin, bungrua chuh hman lohin a kang ral a, thi leh hliam an awm lo bawk.