Lirthei chesualah mi pathum thi

April 14, Pathianni chawhnu dar 3:30 vel khan Thingsulthliah Hebron Vengah auto rickshaw a chesual a, chetsualna hmunah mi pathum an thi.

Thu dawn danin, auto rickshaw hi Lalhmingthanga, Seling khalh a ni a, a khalhtu bakah hian mi dang pathum an chuang. Chetsualna hmunah mi pathum - rickshaw khalhtu Lalhmingthanga (68), Luahkimi (48) leh C Rohlupuii (69)-te an thi a, Seling mi vek an ni. Mi dang pakhat - F Lalrohnuni pawh a hliam a, enkawl turin Aizawl panpui a ni.

Chetsualnaa thite hi Pathianni zan khan Seling VC House-ah lumen an ni a, nimin khan vui an ni.