Congress Vice President-in Richard-a chungchang a sawi

Mizoram Pradesh Congress Committee (MPCC) vice president Lalnunmawia Chuaungo chuan, ZPM candidate Richard Vanlalhmangaiha chu eirûk thubuaiah thuhretuah a ṭan avangin court tan hrem emaw, a chungthu ngaihtuah ve emaw a rem lo niin a sawi.

MPCC hruaitute nimina Aizawl Press Club-a thuthar theh­darhtute nen an inkawmnaah Lalnunmawia Chuaungo chuan press mite zawhna chhangin, "He thilah hian Pu Richard-a kha a thiam e, a thiam lo e, tih sawi theih kan nei lo. Amaherawhchu, a inhnamhnawih ve ngei tih chu paper-ah a lang a, hrem a nih ve loh chhan chu thuhretu (witness)-ah a ṭan vang a ni," a ti.