AR-in ralthuam leh heroin man

Assam Rifles chuan April 14, Pathianni khan Nghalimlui, Siaha district-ah mi pakhat hnen aṭangin 5.56 mm rifle mû 1,100 an man a; Siaha district-a Mizoram police-te hnenah an hlân.

Assam Rifles sipaite chuan April 13, 2024 pawh khan Parva, Lawngtlai district-ah silai magazine pakhat leh silai mû 20 an man. AR sipaite hian an thu dawn bawhzuiin hnim zingah ralthuam an zawng a, silai magazine leh a mû an man a; Vaseikai Police Station-ah an hlân a ni.

April 14 vêk khan AR sipaite chuan Champhai Zote huam chhungah mi pakhat hnen a ṭangin heroin gram 43 an man a, Rs 30,20,000 hû a ni. Heroin leh a neitu chu Champhai police hnenah an hlân.