Lirthei tlân dan tur tichhuak

Khatla Ring Road (Vety kâwn) aṭanga Bungkawn péng inkar kawng siam mek a nih avangin Aizawl SP chuan vawiina hman ṭan turin lirthei tlân dan tur a tichhuak.

Aizawl SP tarlan danin, Khatla Ring Road aṭanga Bungkawn peng inkarah ni tin chawhma dar 10 aṭanga tlai dar 3:30 inkarah lirthei tlân phal a ni lo a, lirtheite chu Khatla kâwn aṭanga Bungkawn inkar Chawnga Road via Nursery Veng lamah kal theih niin, hei vang hian ni tin chawhma dar 10 aṭanga tlai dar 3:30 thleng kawngpui sirah lirthei dah khap a ni.